telugudanam.co.in

      telugudanam.co.in

   

వాటర్ - ఫిల్టర్ ఎంపిక ఎలా?

ఈ కాలంలో వచ్చే అనేక వ్యాధులకు ప్రధాన కారణం త్రాగేనీరు. నీటి ద్వారానే అనేక రకాల అంటు వ్యాధులు ప్రబలుతాయి. అందుకే మంచినీటి విషయంలో చాలా జాగ్రత్తగా ఉండాలి. ఎక్కడపడితే అక్కడ నీటిని త్రాగకూడదు. ఈ కాలంలో కాచి, ఫిల్టర్ చేసిన నీటినే త్రాగాలి. త్రాగే మంచినీరు మనకు ఆరోగ్యాన్ని ఇచ్చేదిగా ఉండాలి. తీసుకునే ఘన, ద్రవపదార్ధాలు ఏవయినా సరే శుభ్రంగా, ఆరోగ్యకరంగా, బలవర్ధకమయిన విటమిన్లు కలిగి ఉంటే చక్కటి ఆరోగ్యం కలిగివుంటాం. మనం త్రాగే ద్రవపదార్ధాలు నీరు, పాలు, పళ్ళరసాలు చాలా శుభ్రత కలిగి ఉండి మంచి ఆరోగ్యాన్నిచ్చేవిగా ఉండాలి. ముఖ్యంగా మంచినీరు మన శరీర నిర్మాణంలో సుమారు 70 శాతం కలిగి ఉంటుంది. శరీరంలోని అనేక రుగ్మతలను పోగొట్టే మంచినీటి విషయంలో మరింత జాగ్రత్త అవసరం. కాబట్టి మంచినీరు విషయంలో ఖచ్చితంగా పరిశుభ్రతను పాటించాలి. ఎల్లవేళలా క్రిమికీటకాలు లేని స్వచ్ఛమయిన నీటిని తాగాలి. శరీరంలో వచ్చే ఇన్‌ఫెక్షన్లకి ప్రధాన కారణం కలుషిత నీరు త్రాగటమే. ఈ రోజుల్లో ప్రతివారు అన్ని విషయాల్లోనూ శుభ్రతకి అత్యంత ప్రాధాన్యతనిస్తున్నారు. నేడు మార్కెట్లో దొరికే ఫిల్టర్ నీటిని క్యాన్ల ద్వారా తెప్పించుకొని తాగే కుటుంబాల వారు కూడా అనేకులు ఉన్నారు. అయితే ఆ వెసులుబాటు లేనివారి ఇళ్ళల్లో వాటర్ ఫిల్టర్ వాడకం తప్పనిసరి. అందులోనూ ఈ కాలంలో ప్రతి ఇంట్లోను వాటర్‌ఫిల్టర్ వుండటం అత్యవసరం.


మూలం : ఆదివారం, జూన్ 11, 2006 వార్త.

Telugudanam.co.in
వెనుకకు | మొదటి పేజీ | తెలుగుదనం బ్లాగు | మాగురించి | సలహాలు | పత్రికలలో తెలుగుదనం                                సందర్శకుల సంఖ్య: