తెలుగుదనం.కో.ఇన్ [telugudanam.co.in] - పరీక్షలకు చదివేటప్పుడు ఎలా

www.telugudanam.co.in చీరాల

పత్రికలలో తెలుగుదనం

మా అనుబంధ వెబ్‌సైట్..

సంస్కృతి, సంప్రదాయాలు

తెలుగుదనం బ్లాగు

పరీక్షలకు చదివేటప్పుడు ఎలా...

ఏకాగ్రతగా చదివితేనే, ఒత్తిడికిగురికాకుండా చదివిందంతా ఒక పద్ధతిప్రకారం సమీక్షించుకోగలిగితేనే పరీక్షలలో మంచి ఫలితాలు పొందవచ్చు. తేలికగా వుండే శ్వాస వ్యాయామాలు...చాలాసేపు కదలకుండా కూర్చుని చదవగలిగే ఏకాగ్రతనిస్తాయి. రిలాక్సేషన్ వ్యాయామాలు మనసు మీద వత్తిడి పడకుండా చూస్తాయి. అసలే పరీక్షల హడావుడిలోవుంటే ఈ గొడవేంటని విసుక్కోకుండా ఈ చిన్నచిన్న వ్యాయామాలు చేసి చూడండి ఎంత తేడా ఉంటుందో మీకే తెలుస్తుంది. ఏమేమి చేయవచ్చంటే...

దీర్ఘంగా శ్వాస తీసుకొని వదిలే...బ్రీతింగ్ ఎక్సర్ సైజులు ఎంతో హాయినిస్తాయి.
సూర్యనమస్కారాలు అలవాటుంటే క్రమంతప్పకుండా చేయండి.
ఒక అరగంట సేపు వేగంగా నడవండి.
బాల్ బ్యాట్మెంటెన్ గానీ, టెన్నీస్ గాని కాసేపు ఆడండి.
పదినిముషాలు అలా సైకిల్ మీద ఒక రౌండ్ కొట్టిరండి.
దగ్గరలో కొలనుంటే ఈత కూడా మంచి సాంత్వననిచ్చే వ్యాయామమే.
చేతనైన వారు యోగాసనాలు సాధన చేయవచ్చు.
జిమ్ కి వెళ్ళే అలవాటుంటే పరీక్షల వంకపెట్టి మానకుండా కాసేపు వెళ్ళి వ్యాయామం చేసి రండి.

పరీక్షలముందు సెలవులు కూడా ఇస్తుంటారు. కాబట్టి ఇక గంటల తరబడి కదలకుండా కూర్చున్నా ఆశ్చర్యం లేదు. పాఠ్యగ్రంథాలను ఓ పట్టు పట్టేస్తుంటాము. అయితే అలా కూర్చోవడం వల్ల నడుంనొప్పి, మెడనొప్పి రావడం సహజం. వ్యాయామం చేసి ఆరోగ్యంగా వుంటే ఈ నొప్పులేవీ రావు. వాకింగ్ కి వెళ్ళేటప్పుడు వంటరిగా కాకుండా స్నేహితురాలినో, అన్నయ్యనో, అమ్మనో వెంటబెట్టుకొని వెళ్ళండి. చదువు విషయాలు కాకుండా వేరే విషయాలు మాట్లాడుకుంటూ నడవండి. అలాగే సాయ్రంత్రం వేళ కుటుంబసభ్యులతో కలిసి కాసేపు షటిల్ ఆడితే సరదాగా ఉంటుంది. మనసు సేదతీరడానికి ఇలాంటి వ్యాయామాలు ఎంతో ఉపకరిస్తాయి. శరీరం ఆరోగ్యంగా వుంటే ఏకాగ్రతా పెరుగుతుంది. ఆశావాహ దృక్పధం అలవడుతుంది. ఆత్మవిశ్వాసం పెరిగి పరీక్షలను సమర్ధంగా ఎదుర్కొన గలిగే ధైర్యం పెరుగుతుంది. కాబట్టి రోజూ కాసేపు చదువు మధ్యలో లేచి అలా ఒళ్ళు విరుచుకొని ఒక ఆట ఆడిరండి. రెట్టించిన ఉత్సాహంతో మళ్ళీ చదువులో నిమగ్నం కావచ్చు.

నేటి పోటీప్రపంచం పిల్లల మెదడును అవసరానికి మించి శ్రమకు గురి చేస్తూ, శరీరాన్ని శ్రమకు, ఆటలకు దూరం చేస్తున్నది. అయితే ఇది అంత మంచిది కాదు.

పిల్లలకు రోజులో కనీసం గంటసేపు ఏదో ఒక రకమైన శారీరిక వ్యాయామం అది కూడా పిల్లలు పూర్తిగా అలసిపోయేలా ఉండేదై ఉండాలి. రోజులో కనీసం ఒక గంటసేపైనా వ్యాయామం, ఆటలు, చిన్న చిన్న ఇంటిపనులు లాంటి వాటి వల్ల పిల్లలు శారీరక వ్యాయామం ఉంటే మంచిది.
10-20 సంవత్సరాలుగా పిల్లలలో శారీరక వ్యాయామం క్రమంగా తగ్గిపోతుంది. దీనికోసం తాడుపై నుండి దూకడం, సాకర్, బాస్కెట్‌బాల్ ఆడటం, బ్రిస్క్‌వాకింగ్ వ్యాయామం చేయడం వల్ల పిల్లలకు చక్కని వ్యాయామం అవుతుంది.
కేవలం ఐదు నిమిషాలు ధ్యానం చేయడం వల్ల రోజంతా ప్రశాంతంగా, చురుకుగా రెట్టించిన ఉత్సాహంతో పని చేయవచ్చు. ధ్యానం అనగానే సమాధి స్థితిలోకి వెళ్ళి గంటలు గంటలు కూర్చోనక్కరలేదు. ఉదయం లేవగానే కేవలం ఐదు నిమిషాలు ఈ క్రింది విధంగా చేసి చూడండి. ఎలా ఉంటుందో మీకే తెలుస్తుంది.
ఇంట్లో బెడ్‌రూమ్, బాల్కనీ, టెర్రస్ ఇలా ఏదైన మీకు అనువుగా ఉండే ప్రదేశం ఎంచుకోండి. సౌకర్యంగా ఉండేలా బాసింపట్టు వేసుకొని కూర్చోండి. కానీ ఇలా కూర్చోవడానికి ఇబ్బంది ఇబ్బంది పడకండి. రెండు చేతులను ఫ్రీగా మోకాళ్ళమీద పెట్టుకోండి. చూపుడు వేలు, బొటనవేలు కలిపి పట్టుకోండి. ఇది లోపలి శక్తిని సరిగా ప్రవహించేలా చేస్తుంది.
కళ్ళు మూసుకొని మెల్లగా గాలిని ముక్కుతో పీల్చుకొని అదే విధంగా నోటితో వదలండి. ఇలా చేయడం వల్ల ఆక్సిజన్ శరీరం మొత్తానికి అందుతుంది. మీదృష్టంతా శ్వాసవిధానం మీదే ఉండాలి. మీ దృష్టి శ్వాసమీద కేంద్రీకరించడం వల్ల అనవసరపు ఆలోచనలు వాటంతటవే క్రమంగా మాయమవుతాయి.
మీకు పూర్తిగా ప్రశాంతభావన వచ్చిన తరువాత మెల్లగా కళ్ళుతెరవండి. దీనిద్వారా రోజు మొత్తం ఉత్సాహంగా పని చేసుకోవడానికి, చురుకుగా ఆలోచించడానికి వీలవుతుంది.